Ermənistan Azərbaycanla sülh müqaviləsi imzalamaq üçün öz Konstitusiyasına dəyişiklik etməli və ya yeni Konstitusiya qəbul etməlidir.
Realist.az xarici KİV-ə istinadən xəbər verir ki, bu barədə Almaniyanın xarici işlər naziri Yohan Vadeful bəyanat verib.
Sülh sazişi regionda yeni iqtisadi və nəqliyyat imkanları açacaq
Nazir sülh sazişinin imzalanmasından sonra regionda yaranacaq geniş iqtisadi imkanlara diqqət çəkib. Onun sözlərinə görə, sazişin bağlanması aşağıdakı sahələr üzrə əlverişli şərait yaradacaq:
-
Yeni nəqliyyat marşrutlarının açılması;
-
Yüklərin və xammalın daşınması;
-
Enerji daşıyıcılarının nəqli və elektrik enerjisinin ötürülməsi.
“Azərbaycan Avropanın etibarlı enerji təchizatçısıdır”
Y.Vadeful həmçinin vurğulayıb ki, Azərbaycan Almaniya və Avropanın etibarlı tərəfdaşıdır və Avropa ölkələrinin enerji resursları ilə təmin olunmasında mühüm rol oynayır:
“Rusiyanın enerji resurslarından asılılığı azaltmalı olduğumuz və müvafiq əlaqələri artıq kəsdiyimiz bir şəraitdə bizə etibarlı təchizatçılar lazımdır. Azərbaycan da onların sırasındadır.”
© realist.az
Arzu, təklif və şikayətlərinizi bizə bildirin


