2022-ci ilin payızında Vaşinqtonda ciddi narahatlıq yaşanıb. ABŞ rəsmiləri Putinin Ukraynada taktik nüvə silahı tətbiq edə biləcəyindən ehtiyat edirdilər.
“Realist.az” “Financial Times” nəşrinə istinadən xəbər verir ki, amerikalı hüquqşünas Riçard Konn Kremlin yüksək vəzifəli şəxsləri ilə əlaqəsi olan bir rusiyalı iş adamından xəbərdarlıq alıb. Rusiyalı biznesmen Mosvanın ABŞ addımlarını Rusiyanı məhv etmək cəhdi kimi gördüyünü bildirib. O, Rusiyanın nüvə eskalasiyasına gedə biləcəyini qeyd edib. Mənbə Konna belə deyib: “Siz gözünüzbağlı Üçüncü Dünya müharibəsinə doğru gedirsiniz”.
Məxfi kanal və Kremlin cavabı
Fəlakətin qarşısını almaq üçün Konn və investisiya bankiri Bob Forsman Matbias Varniqə mürəkkəb müraciət ediblər. Varniq Şərqi Almaniya kəşfiyyatının keçmiş zabitidir. O, həm də Putinin köhnə tanışıdır.
Ağ Ev bu vasitəçi ilə Rusiya prezidentinə xüsusi mesaj göndərib. Mesajda ABŞ-ın Rusiyanı məhv etmək niyyətində olmadığı vurğulanıb. Vaşinqton sülh istədiyini bəyan edib.
Varniqin sözlərinə görə, Putin danışıqlara qarşı çıxmayıb. Lakin o, hərbi məqsədlərindən geri çəkilməyib. Putin mövqeyini belə çatdırıb: “Hərbi əməliyyatları davam etdirməkdən başqa seçimim yoxdur”. Buna baxmayaraq, Rusiya lideri həll yollarını müzakirə etməyə hazır olduğunu qeyd edib.
Sülh layihəsi nə üçün baş tutmadı?
Vasitəçilər daha sonra xüsusi saziş layihəsi hazırlayıblar. Bu sənəd Rusiyanın bəzi ərazi güzəştlərini nəzərdə tuturdu. Layihədə Ukrayna üçün təhlükəsizlik zəmanətləri də yer almışdı.
Lakin Kiyev öz torpaqlarından imtina etməyə razılaşmayıb. Nəticədə qeyri-rəsmi danışıqlar kanalı tamamilə bağlanıb. Təşəbbüs iştirakçıları hesab edirlər ki, onlar nüvə təhlükəsini azaltmağa kömək edə bilərdilər.
© realist.az
Arzu, təklif və şikayətlərinizi bizə bildirin