Prezident yanında Antiinhisar və İstehlak Bazarına Nəzarət Dövlət Agentliyi “Tam Store” MMC barəsində inzibati xəta haqqında protokol tərtib edib.
Realist.az-a Agentlikdən verilən məlumata görə, qurumun İstehlakçı hüquqlarının müdafiəsi və İstehlak bazarına nəzarət şöbələrinin apardığı yoxlamalar zamanı marketdə qida məhsulunun vitrində göstərilmiş qiymətindən daha baha satıldığı müəyyən edilib.
Bununla da “Tam Store” MMC “İstehlakçıların hüquqlarının müdafiəsi haqqında” Qanunun 13-cü maddəsinin 1-ci bəndinin tələblərini pozub.
Şirkətin əməlində İnzibati Xətalar Məcəlləsinin 447.0.1-ci (malın qiyməti hesabına dair istehlakçıların az miqdarda aldadılması) maddəsinin əlamətləri müəyyən olunduğu üçün barəsində inzibati xəta haqqında protokol rəsmiləşdirilib.
© realist.az
Arzu, təklif və şikayətlərinizi bizə bildirin