Azərbaycanın biznes və investisiya mühitinin Türkiyədə təşviqi və yeni əməkdaşlıqların qurulması istiqamətində görülən işlər çərçivəsində Ankarada potensial investorların iştirakı ilə mühüm görüşlər təşkil olunub.
Realist.az İqtisadiyyat Nazirliyinə istinadən xəbər verir ki, görüşlərin əsas məqsədi ölkəmizin sərmayə imkanlarını türkiyəli sahibkarlara çatdırmaq və birgə layihələrin icrasını sürətləndirməkdir.
Azərbaycanın Türkiyədəki ticarət nümayəndəliyinin ofisi və Müstəqil Sənayeçi və İş Adamları Dərnəyinin (MÜSİAD) birgə təşkilatçılığı ilə “Azərbaycana investisiya: təşviqlər və dəstək mexanizmləri” mövzusunda tədbir keçirilib. Tədbirdə Azərbaycanın Türkiyədəki ticarət nümayəndəsi Tamerlan Tağıyev və MÜSİAD-ın Ankara filialının sədri Fatih Bilal Yülek çıxış edərək ikitərəfli iqtisadi əlaqələrin strateji əhəmiyyətini vurğulayıblar.
MÜSİAD və ÜKSAD ilə strateji əməkdaşlıq görüşləri
Görüşlər çərçivəsində türkiyəli investorlar üçün Azərbaycanın investisiya mühitinə dair geniş təqdimatlar keçirilib:
-
İnvestisiya təşviqləri və güzəştlər: İştirakçılara Azərbaycanda tətbiq olunan vergi, gömrük güzəştləri, azad iqtisadi zonalar və sənaye parklarındakı imkanlar barədə ətraflı məlumat verilib.
-
MÜSİAD ilə müzakirələr: İki ölkə arasında işgüzar münasibətlərin daha da gücləndirilməsinin önəmi vurğulanıb, türk iş adamlarının sualları cavablandırılıb.
-
ÜKSAD ilə görüş: İstehsala Əlavə Dəyər Qatanlar Dərnəyi (ÜKSAD) ilə keçirilən görüşdə isə sərmayədarlar üçün yaradılan şərait, istehsal sahəsində mümkün tərəfdaşlıq istiqamətləri və birgə layihələr ətrafında geniş fikir mübadiləsi aparılıb.
© realist.az
Arzu, təklif və şikayətlərinizi bizə bildirin