Böyük Britaniyada “Hazır olun” kampaniyası başladı
Böyük Britaniya hökuməti əhaliyə xüsusi xəbərdarlıq edib. Hər bir təsərrüfata 3 günlük su, ehtiyat ərzaq və dərman toplamaq tövsiyə olunub.
“Realist.az” “The Guardian” nəşrinə istinadən xəbər verir ki, ölkədə “Hazır olun” adlı yeni kampaniyaya start verilib. Kampaniya insanları 72 saatlıq fövqəladə ehtiyat yaratmağa təşviq edir. Səlahiyyətlilər iqlim böhranı və texnoloji asılılığın yaratdığı təhlükələrdən narahatdırlar. Həmçinin düşmən dövlətlərdən gələn təhdidlər də əsas səbəblər arasındadır.
Rusiya və digər dövlətlərdən gələn təhlükələr
Böyük Britaniyanın müdafiə naziri Striting də məsələ ilə bağlı açıqlama verib. O, Krallığın “dövlət terrorizmi” təhlükəsinə hazır olmalı olduğunu bildirib.
Nazir Rusiya və digər düşmən dövlətlərin gündəlik infrastrukturu hədəf ala biləcəyini vurğulayıb. Bu səbəbdən mülki şəxslərin fövqəladə hallara hazır olması vacib sayılır.
© realist.az
Arzu, təklif və şikayətlərinizi bizə bildirin