ABŞ-nin Ankaradakı səfiri Barrak Dohada keçirilən Qlobal Forumda çıxış edərkən Yaxın Şərqdəki hərbi iştirak və təhlükəsizlik strategiyası ilə bağlı mühüm bəyanatlar verib.
Diplomat bildirib ki, Vaşinqton Səudiyyə Ərəbistanına logistik dəstək verməyə davam edəcək, lakin amerikalı quru qoşunlarının Yəmən husiləri ilə münaqişəyə birbaşa müdaxiləsi mənasız görünür.
“Region ölkələri öz alyanslarını qurmalıdır”
Səfir vurğulayıb ki, Yaxın Şərq ölkələri bütün problemlərin həllində ABŞ-yə arxalanmaq əvəzinə öz regional alyanslarını yaratmalıdırlar:
“ABŞ regiondakı tərəfdaşlarını tək qoymur, lakin Vaşinqtondan hər bir münaqişəni həll etməyi gözləmək doğru deyil.”
“Neft müqabilində təhlükəsizlik” dövrü başa çatır
Barrak xüsusilə qeyd edib ki, ABŞ artıq ənənəvi “neft müqabilində təhlükəsizlik” konsepsiyasından uzaqlaşır.
Onun sözlərinə görə, Vaşinqton bundan sonra daha çox vasitəçi rolu oynamağa üstünlük verəcək və regional dövlətləri öz təhlükəsizlikləri üçün şəxsi məsuliyyət daşımağa çağırır.
© realist.az
Arzu, təklif və şikayətlərinizi bizə bildirin