EZZE — lüks və xüsusi mebel, interyer (reklam)

ABŞ-nin “Microsoft” korporasiyasının xidmətlərində baş verən texniki nasazlıq Almaniyanın qərbində yerləşən Brül şəhərindəki istirahət və əyləncə parkında 15 nəfərin xlordan zəhərlənməsinə gətirib çıxarıb.

Realist.az xarici KİV-ə istinadən xəbər verir ki, xlor sızmasına parkın ərazisində yerləşən otelin hovuzundakı texniki qüsur səbəb olub.

Xəbərdarlıq sistemi “Outlook” üzərindən işləyirmiş

Araşdırma zamanı məlum olub ki, hovuzda xlorun miqdarı normadan artıq olduqda məlumat verən avtomatik dozaj sistemi quraşdırılıb. Lakin bu sistemin xəbərdarlıq bildirişləri elektron poçt — “Outlook” proqramı vasitəsilə göndərilir. “Microsoft” xidmətlərində yaranan çöküş səbəbindən əyləncə parkındakı təhlükəsizlik bildirişi işə düşməyib.

Brüldə zərərçəkənlər tənəffüs yollarının qıcıqlanmasından və boğaz ağrılarından şikayətləniblər. Hadisə nəticəsində 4 nəfər xəstəxanaya yerləşdirilib, digər zərərçəkənlərə isə yerində tibbi yardım göstərilib.

EZZE — lüks və xüsusi mebel, interyer (reklam)

© realist.az

Arzu, təklif və şikayətlərinizi bizə bildirin

📧 [email protected]
📱 +994 50 737 29 49 (WhatsApp)

YouTube kanalımıza abunə olun Telegram kanalımıza qoşulun Instagram -da bizi izləyin TikTok -da bizi izləyin WhatsApp -da bizə yazın