Noyabrın 20-də Bakıda işsiz və iş axtaran şəxslər üçün əmək yarmarkası təşkil olunacaq.
Realist.az-a bu barədə Dövllət Məşğulluq Agentliyindən məlumat verilib.
Bildirilib ki, yarmarka Bakı Regional Məşğulluq filialının təşkilatçılığı ilə The Landmark Hotel Baku-da keçiriləcək.
Saat 11:00-dan 13:00-dək davam edəcək tədbirdə iştirak etmək istəyən namizədlər şəxsiyyət vəsiqələrini təqdim etməlidirlər. CV nümunəsi ilə gəlmələri isə tövsiyə olunur.
Vakansiyalar, iş öhdəlikləri və əmək şərtləri barədə ətraflı məlumat yarmarkada iştirakçılara təqdim ediləcək.
© realist.az
Arzu, təklif və şikayətlərinizi bizə bildirin


