Britaniyalıların 78%-i İsraili sülh üçün İrandan böyük təhlükə sayır

Böyük Britaniya sakinlərinin mütləq əksəriyyəti İsraili qlobal sülh üçün ciddi təhlükə hesab edir.

Realist.az xəbər verir ki, bu barədə Böyük Britaniyanın Milli Sosial Tədqiqatlar Mərkəzinin (NatCen) dərc etdiyi “British Social Attitudes” hesabatında yer alan rəy sorğusunun nəticələrində bildirilir.

Sorğunun nəticələrinə əsasən, britaniyalıların 78%-i İsraili ciddi təhdid kimi qiymətləndirir. Müqayisə üçün qeyd edək ki, 2005-ci ildə bu göstərici 48% təşkil edirdi.

İsrail İran və ABŞ-ı geridə qoyub: Siyasi partiyaların mövqeyi

Tədqiqatda vurğulanır ki, böyük narahatlıq doğuran ölkələr siyahısında İsrail hətta İranı və ABŞ-ı arxada qoyub.

• Reytinq müqayisəsi: Qlobal sülhə təhlükə baxımından İsrail (78%) siyahıda İranı (75%) və ABŞ-ı (74%) geridə qoyub. Mütəxəssislər Britaniya cəmiyyətində İsrailə qarşı münasibətin kəskin pisləşməsini ölkənin Yaxın Şərqdəki hərbi münaqişələrdə aktiv iştirakı və İrana qarşı müharibədən sonrakı proseslərlə əlaqələndirirlər.

• Partiyalar üzrə bölgü: İsrailin hərəkətlərindən en çox narahatlıq ifadə edənlər Yaşıllar Partiyasının tərəfdarlarıdır (88%). Analoji mövqeni Leyboristlərin 84%-i, Liberal-Demokratların 79%-i, Mühafizəkarların 70%-i və “Reform UK” partiyasının tərəfdarlarının 62%-i bölüşür.