Livan Prezidenti Aun ABŞ Dövlət Katibi Rubiodan xəbərdarlıq aldıqdan sonra ərəb və beynəlxalq siyasi əlaqələrini işə salıb.
Realist.az-ın məlumatına görə, “Asharq Al-Awsat” nəşrinə hökumətdəki mənbə bildirib ki, Vaşinqton yenidən hərbi əməliyyatlar başlayacağı təqdirdə “Hizbullah”ın İrana dəstək verəcəyi halda İsrailin fəaliyyətsiz qalmayacağını bəyan edib.
Mənbənin sözlərinə görə, İsrail ordusu Litani çayının cənub və şimal hissələrini, o cümlədən Sayda-Zahrani rayonunun kəndlərini birləşdirməyə cəhd edə bilər, həmçinin Beyrutun cənub şəhərətrafı ərazilərinə və bir sıra digər məhəllələrinə zərbələr endirmək ehtimalı var.
Bu məlumatlardan sonra Livan parlamentinin spikeri Berri “Hizbullah” rəhbərliyi ilə əlaqə saxlayaraq ABŞ-ın ultimatunun məzmununu çatdırıb. Cavabında vasitəçilər vasitəsilə bildirilib ki, Tehran ABŞ zərbələrini müstəqil şəkildə dəf etmək üçün kifayət qədər imkanlara malikdir və təşkilatın dəstəyinə ehtiyac duymur.
Nəşr qeyd edir ki, münaqişəyə müdaxilə etməmək niyyəti “Hizbullah”ın siyasi qanadından gəlib. Bunun fonunda bu öhdəliyin birbaşa SEPAH-a (İran İslam İnqilabı Keşikçiləri Korpusu) tabe olan hərbi qanada da şamil edilib-edilməyəcəyi sualı yaranır. Mənbə, həmçinin İranın Ali Lideri Xameneinin “cəbhələrin vahidliyi” tələbini və hər hansı coğrafi sərhədlərə riayət etməkdən imtina etdiyini vurğulayıb.
© realist.az
Arzu, təklif və şikayətlərinizi bizə bildirin