“Netflix” şirkəti dünya üzrə təxminən 1000 əməkdaşını – bu da şirkət heyətinin təxminən 6%-ni təşkil edir – ixtisar etməyi planlaşdırır. Bu, 2022-ci ildən bəri Amerika striminq nəhənginin tarixində baş verən ən irimiqyaslı işdən çıxarılma dalğasıdır.
İxtisarlar hansı şöbələrə təsir edəcək?
Şirkət rəhbərliyinin açıqlamasına görə, ixtisarlar ilk növbədə aşağıdakı struktur bölmələrini əhatə edəcək:
-
Məhsulun hazırlanması (məhsul dizaynı və inkişafı) şöbələri
-
Texnologiya departamenti
-
Hüquqi şöbə
-
İnsan resursları (HR) şöbəsi
Şirkət rəhbərləri Piters və Sarandos bu qərarı resursların bölgüsündə prioritetləri düzgün müəyyənləşdirmək və biznesin əsas istiqamətlərinə sərmayə qoyuluşunu davam etdirmək zərurəti ilə izah ediblər.
Böyümənin ləngiməsi və səhmlərin ucuzlaşması
İşdən çıxarılmalar “Netflix”in abunəçi artımının ləngidiyi və auditoriyanın diqqətini saxlamaqda çətinlik çəkdiyi bir dövrə təsadüf edir. Buna baxmayaraq, analitik “Antenna” şirkətinin məlumatına görə, ABŞ-da xidməti tərk edən abunəçilərin (otok) səviyyəsi hələ də 2%-dən bir qədər yuxarı həddə qalır.
Bununla belə, son 12 ay ərzində “Netflix” səhmləri öz dəyərinin 40%-dən çoxunu itirib.
© Realist Media
Arzu, təklif və şikayətlərinizi bizə bildirin