İranda həm məişət, həm də kommersiya istehlakçıları üçün planlı elektrik enerjisi kəsintilərinə başlanılır.
Realist.az xarici KİV-ə istinadən xəbər verir ki, məhdudiyyətlərə əsas səbəb kimi elektrik stansiyalarında yanacaq çatışmazlığı, enerji istehlakının artması və enerji sisteminin sabit işinin təmin olunmasında yaranan problemlər göstərilir.
Soyuqlar düşdükcə kəsintilər gündəlik ola bilər
Dövlət şirkəti “Tavanir”in bəyanatına əsasən, ilkin mərhələdə kəsintilərin müddəti və tezliyi aşağıdakı kimi müəyyən edilib:
-
İlkin qrafik: İki gündən bir 2 saata qədər;
-
Növbəti mərhələ: Havaların soyuması və tələbatın daha da artması ilə əlaqədar kəsintilərin hər gün tətbiq edilməsi ehtimal olunur.
Dəqiq qrafik hələ dərc olunmayıb
Şirkətdən izah edilib ki, bu addım enerji resurslarının səmərəli bölüşdürülməsi və milli elektrik şəbəkəsinin qorunması üçün zəruridir.
Hazırda kəsintilərin dəqiq qrafiki və məhdudiyyətlərin şamil olunacağı rayonların siyahısı dərc edilməyib. Rəsmilər elektrik enerjisinin kəsiləcəyi dəqiq vaxt barədə əlavə məlumat veriləcəyini bildiriblər.
© realist.az
Arzu, təklif və şikayətlərinizi bizə bildirin


