İtaliyanın Neapol şəhərində keçirilən cüdo üzrə U-23 Avropa çempionatında Azərbaycan millisinin üzvü İslam Rəhimov qızıl medal qazanıb.
realist.az Azərbaycan Cüdo Federasiyasına istinadən xəbər verir ki, 66 kq çəki dərəcəsində mübarizə aparan həmyerlimiz möhtəşəm qələbə seriyasına imza atıb. O, ardıcıl olaraq:
- Kristian Butuçini (Xorvatiya),
- Aleksi Renarı (Fransa),
- Yarımfinalda isə Qaqik Martirosyanı (Ukrayna) məğlub edərək finala yüksəlib.
Həlledici görüşdə Niderland təmsilçisi Yoxem van Harten ilə qarşılaşan İslam Rəhimov rəqibinə ipponla qalib gələrək Avropa çempionu adını qazanıb.
Tarixi uğur: Ardıcıl ikinci çempionluq
Bu qələbə ilə İslam Rəhimov ardıcıl ikinci dəfə U-23 Avropa çempionatının qalibi olub. Xatırladaq ki, cüdoçumuz 2025-ci ildə də eyni çəki dərəcəsində qızıl medala sahib çıxmış, finalda məhz Yoxem van Harteni üstələmişdi.
Qeyd edək ki, Neapolda keçirilən mötəbər fərdi yarışlara 36 ölkədən ümumilikdə 275 cüdoçu qatılıb.
© realist.az
Arzu, təklif və şikayətlərinizi bizə bildirin