İsrailin Baş naziri Benyamin Netanyahu daxili siyasi böhran və hakimiyyəti itirmək təhlükəsi fonunda İrana qarşı hərbi əməliyyatları yenidən başlamaq variantını nəzərdən keçirir.
Realist.az “Haaretz” nəşrinə istinadən xəbər verir ki, İsrailin siyasi və hərbi rəhbərliyi arasında bu məsələ ətrafında ciddi fikir ayrılıqları yaranıb.
Məlumata görə, Qadi Ayzenkotun Netanyahuya təxirəsalınmaz xarakter daşımayan hərbi zərbələrin yolverilməzliyi barədə etdiyi xəbərdarlıq həm də İsrail Silahlı Qüvvələrinin Baş Qərargah rəisi Eyal Zamirə açıq dəstək ifadə etmək məqsədi daşıyıb.
Baş Qərargah və Tramp administrasiyası ilə bağlı təfərrüatlar
Nəşr İsrail ordusunun ali komandanlığı ilə hökumət başçısı arasındakı gərginliyin pərdəarxası məqamlarını belə şərh edib:
-
Generalların etirazı: Seçkilərdən əvvəlki son həftələrdə Baş Qərargah rəisi Zamir və bir sıra yüksək rütbəli generallar Netanyahunun ABŞ Prezidenti Donald Trampı İrana birgə hücum etməyə razı salmaq və ya rəsmi Tehranı hərbi əməliyyatları bərpa etməyə təhrik etmək cəhdlərinə qarşı çıxıblar.
-
“Likud” partiyasının gedişi: Məqalədə qeyd olunur ki, Netanyahunun seçkilərə bir neçə gün qalmış İrana zərbə endirilməsinə nail olmaq cəhdləri ölkədəki mövcud siyasi proseslərə təsir göstərməkdə davam edir. Bu fonda Baş nazirin rəhbərlik etdiyi “Likud” partiyası müvafiq komitənin iclasını ən azı bazar ertəsinə qədər təxirə salmağa çalışır.
© realist.az
Arzu, təklif və şikayətlərinizi bizə bildirin


