2026-cı ilin yanvar-sentyabr aylarında Azərbaycanda muzdla çalışan işçilərin orta aylıq nominal əməkhaqqı 1 172,7 manat təşkil edib.
Realist az xəbər verir ki, bu barədə Dövlət Statistika Komitəsi məlumat yayıb.
Bildirilib ki, orta aylıq nominal əməkhaqqı ötən ilin müvafiq dövrü ilə müqayisədə 7,8 faiz artıb.
Hesabat dövründə neft-qaz sektorunda orta aylıq əməkhaqqı 4 445,3 manat, qeyri-neft-qaz sektorunda isə 1 113,9 manat olub.
Dövlət müəssisələrində çalışan işçilərin orta aylıq əməkhaqqı 1 176,9 manat, özəl müəssisələrdə çalışanların əməkhaqqı isə 1 168,7 manat təşkil edib.
© realist.az
Arzu, təklif və şikayətlərinizi bizə bildirin


