Fransa hökuməti ölkə daxilində gənclərin pis təhsil şəraitinə qarşı kütləvi etirazlarına cavab olaraq təhsil sahəsində bir sıra tədbirlər müəyyənləşdirib. Bu barədə Fransanın Baş naziri Lekornyu bildirib. Onun sözlərinə görə, hökumət təhsil sistemində dəyişikliklər hazırlamaq üçün 3 000 liseydən gələn müraciətlərə baxıb.
Baş nazir bəyan edib ki, hökumət universitet binalarının təmiri üçün 1 milyard avro və məktəb müəssisələrinin təmiri üçün regionlara güzəştli faiz dərəcələri ilə 4 milyard avro kredit ayırır. Bundan əlavə, onun sözlərinə görə, hökumət 2027-ci ildən başlayaraq tələbə təqaüdlərini inflyasiyaya uyğun olaraq tənzimləmək öhdəliyi götürür.
Lekornyu əlavə edib ki, hakimiyyət 2027 və 2028-ci illərdə ali təhsil sistemində 15 000 əlavə yer, həmçinin 500 əlavə müəllim ştatı və 500 psixoloq, tibb bacısı və sosial işçi ştatı vəd edir. Bunlardan başqa, siniflərdə şagirdlərin sayı məhdudlaşdırılacaq və zəmanətli bir saatlıq nahar fasiləsi tətbiq olunacaq.
“Realist.az” xəbər verir ki, qəbul edilən qərarlar tələbə və şagirdlərin sosial rifahını yaxşılaşdırmağa yönəlib.
© realist.az
Arzu, təklif və şikayətlərinizi bizə bildirin