Çinin cənub-qərbində yerləşən Tibet Muxtar Rayonunda güclü zəlzələ olub. Təbiət hadisəsinin gücü 7 maqnitudaya çatıb. Yeraltı təkanlar böyük dağıntılara səbəb olub.
Bu barədə “Xinhua” agentliyi məlumat yayıb. Son məlumatlara görə, zəlzələ nəticəsində 16 nəfər həlak olub. Yaralıların sayı isə artıq 65 nəfərə çatıb.
Si Cinpin xilasetmə əməliyyatlarını sürətləndirməyə çağırdı
Çin Sədri Si Cinpin zəlzələ ilə bağlı xüsusi tapşırıqlar verib. O, axtarış-xilasetmə işlərinin sürətləndirilməsini istəyib. Həmçinin zərərçəkənlərə humanitar yardımın tez çatdırılması tapşırılıb. Sakinlərin təhlükəsiz ərazilərə köçürülməsi təmin edilir.
Bölgədə fövqəladə vəziyyətlərə cavab tədbirlərinin ikinci səviyyəsi aktivləşdirilib. Çin lideri seysmik vəziyyətin və hava şəraitinin nəzərə alınmasını vurğulayıb. Eyni zamanda zədələnmiş infrastrukturun bərpası üçün koordinasiya işləri aparılır.
© realist.az
Arzu, təklif və şikayətlərinizi bizə bildirin