Yaponiyanın 47 prefekturasından azı 17-sində əhalinin və uşaq sayının kəskin azalması səbəbindən 2040-cı ilə qədər 145 dövlət məktəbinin bağlanılması planlaşdırılır.
Bu fakt yerli hakimiyyət orqanları arasında aparılan son sorğunun nəticələrində öz əksini tapıb.
Məktəblərin bağlanma mərhələləri və statistikası
Sorğunun nəticələrinə əsasən, təhsil müəssisələrinin ləğvi mərhələli şəkildə həyata keçiriləcək:
-
2030-cu ilə qədər: 13 prefekturada 41 məktəb bağlanacaq;
-
2030–2040-cı illərdə: Həmin prefekturalarda daha 37 məktəbin fəaliyyətinə xitam veriləcək;
-
Digər 4 prefekturada: 2040-cı ilə qədər əlavə 67 məktəb bağlanacaq.
Hazırda yalnız 17 prefektura qarşıdan gələn məktəb bağlanmaları ilə bağlı konkretsləşdirilmiş planlarını açıqlayıb. Qalan 30 prefektura isə analoji planların hələ də nəzərdən keçirildiyini bildirib.
Esas səbəb: 15 yaşdan kiçik əhalinin 15% azalması
Təhsil ocaqlarının kütləvi şəkildə qapanmasının əsas səbəbi ölkədə doğum səviyyəsinin aşağı düşməsi və məktəbyaşlı uşaqların sayının ilbəil azalmasıdır.
Yaponiya Daxili İşlər və Rabitə Nazirliyinin rəsmi proqnozuna görə, 15 yaşdan kiçik əhalinin sayısı 2024-cü illə müqayisədə 2039-cu ilə qədər 15% azalacaq. Bu tendensiya ölkənin bir çox regionlarında məktəblərin saxlanılmasını iqtisadi və sosial baxımdan məqsədsiz edir.
© realist.az
Arzu, təklif və şikayətlərinizi bizə bildirin