Bakıda kütləvi dava və insidentlə bağlı məhkəmə qərarları: Deputatın oğlu həbs edildi
Bakıda baş verən insidentlə bağlı saxlanılan Orxan Əli-zadə barəsində 4 ay müddətinə həbs qətimkan tədbiri seçilib.
“Realist.az”ın məlumatına görə, bu barədə müvafiq qərar Nizami Rayon Məhkəməsində keçirilən prosesdə qəbul olunub.
Qeyd edək ki, barəsində həbs qətimkan tədbiri seçilən Orxan Əli-zadə deputat Arzuxan Əlizadənin oğludur.
Kafedəki ölümcül dava ilə bağlı digər şəxslər də həbs olunub
Həmçinin Bakıda kafedə bir nəfərin ölümü ilə nəticələnən kütləvi dava ilə bağlı saxlanılan digər şəxslər barəsində də həbs qətimkan tədbirləri seçilib.
“Realist.az”ın əldə etdiyi məlumata görə, Xətai Rayon Məhkəməsinin qərarı ilə Cinayət Məcəlləsinin 218.1, 218.2, 234.4.1, 234.4.3, 29, 234.4.1 və 29, 234.4.3-cü maddələri üzrə təqsirləndirilən aşağıdakı şəxslərin həbsdə saxlama müddəti 4 ay müəyyən edilib:
-
Əfəndiyev Kamran Səttar oğlu
-
İsmayılov Mikayıl Vəli oğlu
-
Dadaşov Ramil Zahir oğlu
-
Eldarov Eldar Faiq oğlu
-
Zülfiqarov Həsən Mehman oğlu
Əhməd Əli-zadənin işi Bakı Apellyasiya Məhkəməsinə göndərildi
Bununla yanaşı, təqsirləndirilən Əli-zadə Əhməd Arzuxan oğlu barəsində həbs qətimkan tədbirinin seçilməsinə dair təqdimat və vəsatətin baxılması üçün başqa məhkəməyə verilməsi məsələsinin həll olunması məqsədilə materiallar Bakı Apellyasiya Məhkəməsinə ünvanlanıb.
© realist.az
Arzu, təklif və şikayətlərinizi bizə bildirin