Millimizin Bakıdakı sınağı davam edir: U-15 bu gün İsrail və Haiti ilə qarşılaşır

Bakıda U-15 dünya çempionatı: Millimiz bu gün İsrail və Haiti ilə üz-üzə gəlir

Bakıda təşkil olunan FIFA U-15 dünya çempionatı və festivalında mübarizə aparan Azərbaycan milli komandası bu gün növbəti iki qarşılaşmaya çıxacaq.

“Realist.az”ın məlumatına görə, baş məşqçi Famil Xəlilovun yetirmələri gün ərzində iki vacib matçda güclərini sınayacaqlar:

• Saat 11:30: Azərbaycan – İsrail

• Saat 18:15: Azərbaycan – Haiti

Hər iki görüş Hövsan Yarış Kompleksinin 10A meydançasında keçiriləcək.

Millimizin əvvəlki oyunlarının nəticələri

Xatırladaq ki, U-15 millimiz turnirdə keçirdiyi əvvəlki matçlarda aşağıdakı nəticələri göstərib:

• Timor-Leste – 6:0 (Qələbə)

• Andorra – 1:0 (Qələbə)

• Avstraliya – 1:3 (Məğlubiyyət)

Turnirdə 189 ölkə mübarizə aparır

Qeyd edək ki, mötəbər yarışda dünyanın 189 ölkəsindən FIFA-ya üzv assosiasiyaları təmsil edən komandalar iştirak edirlər. Çempionat çərçivəsində ümumilikdə 1000-ə yakın oyunun baş tutması nəzərdə tutulur.

Oktyabrın 30-da başa çatacaq U-15 dünya çempionatının oyunları Hövsan Yarış Kompleksində, turnirin çempionunu müəyyənləşdirəcək final görüşü isə Bakı Kristal Zalında keçiriləcək.