Avropa Konstitusiya və İnsan Hüquqları Mərkəzi (ECCHR) İsrail kəşfiyyat xidməti “Mossad”ın sabiq rəhbəri David Barneaya qarşı “Livanda hərbi cinayətlər” ittihamı ilə cinayət şikayəti təqdim edib və onun noyabrın 25-nə planlaşdırılan Almaniya səfəri zamanı həbs olunmasına çağırıb.
Realist.az xarici KİV-ə istinadən xəbər verir ki, qurumun bəyanatında D.Barneanın 2024-cü ilin sentyabrında “Hizbullah” yaraqlılarına qarşı həyata keçirilən “peycer əməliyyatı”nın planlaşdırılması və icrasında əsas fiqur olduğu qeyd edilib.
“Almaniya ehtimal olunan hərbi cinayətkarlar üçün meydança verməməlidir”
ECCHR-nin beynəlxalq cinayətlər və məsuliyyətə cəlbetmə proqramının həmdirektoru məsələ ilə bağlı sərt mövqe nümayiş etdirib:
“Almaniya ehtimal olunan hərbi cinayətkarlar üçün platforma təqdim etməməlidir. İçərisinə partlayıcı yerləşdirilmiş minlərlə gündəlik məişət əşyasını yayan və aylar sonra — partlayış anında harada olacaqlarını bilmədən — onları işə salan hər kəs nəzarətsiz sayda dinc sakinin yaralanacağı və ya həlak olacağı ilə şüurlu şəkildə razılaşmış olur.”
© realist.az
Arzu, təklif və şikayətlərinizi bizə bildirin


