EZZE — lüks və xüsusi mebel, interyer (reklam)

Ermənistanın Baş naziri Nikol Paşinyan Azərbaycanla yekun və dönməz sülhün əldə olunmasına əsas maneənin parlament müxalifəti olduğunu iddia edib.

Realist az xəbər verir ki, o, parlamentdə hökumət saatı zamanı çıxışında bu barədə danışıb.

Paşinyanın sözlərinə görə, hazırda Azərbaycanla sülhə gedən yolda yalnız bir maneə var və bu da parlament müxalifətidir.

“Bu müxalifət özünü sülh yolunda əsas maneə kimi təqdim edir. Yəni hazırda yekun və dönməz sülhə gedən yolda bir maneəmiz var – parlament müxalifəti”, – deyə Ermənistanın baş naziri bildirib.
 

Paşinyan əlavə edib ki, bu vəziyyətdən çıxmaq üçün iki yol mövcuddur. Birinci yol ictimai təzyiq yaratmaqla müxalifətin bu mövqedən imtina etməsinə nail olmaq, ikinci yol isə siyasi prosesləri elə istiqamətləndirməkdir ki, həmin müxalifət parlamentdə təmsil olunmasın.


O, bütün digər məsələlərin isə “texniki iş” olduğunu vurğulayıb.

EZZE — lüks və xüsusi mebel, interyer (reklam)

© realist.az

Arzu, təklif və şikayətlərinizi bizə bildirin

📧 [email protected]
📱 +994 50 737 29 49 (WhatsApp)

YouTube kanalımıza abunə olun Telegram kanalımıza qoşulun Instagram -da bizi izləyin TikTok -da bizi izləyin WhatsApp -da bizə yazın