Məleykə Abbaszadə “Yüksəliş” müsabiqəsinin qalibləri ilə görüşüb: Süni intellekt müzakirə olunub

Dövlət İmtahan Mərkəzinin (DİM) İdarə Heyətinin sədri Məleykə Abbaszadə beşinci “Yüksəliş” müsabiqəsinin Mentorluq proqramı çərçivəsində müsabiqə qalibləri Elnur Məmmədli və Elnur Mirzəzadə ilə növbəti görüşünü keçirib.

Realist.az xəbər verir ki, görüş zamanı süni intellektin yaratdığı yeni imkanlar və çağırışlar, bu texnologiyaların gələcək layihələrdə tətbiqi və mentilərin innovativ təşəbbüslərə cəlb olunması ətrafında geniş fikir mübadiləsi aparılıb.

Məleykə Abbaszadə süni intellekt texnologiyalarının imkanlarından effektiv istifadə etməklə layihələrin həyata keçirilməsi və innovativ həllərin qiymətləndirmə proseslərinə tətbiqi ilə bağlı dəyərli tövsiyələrini bölüşüb. Görüşün sonunda mentilərin növbəti mərhələyə qədər üzərində işləyəcəkləri xüsusi tapşırıqlar müəyyənləşdirilib.

Xatırladaq ki, DİM sədri Məleykə Abbaszadə “Yüksəliş” müsabiqəsinin Təşkilat Komitəsinin üzvüdür. Həmçinin müsabiqə zamanı istifadə olunan bir sıra qiymətləndirmə alətləri birbaşa Dövlət İmtahan Mərkəzi tərəfindən hazırlanır.

Açar sözlər (SEO Keywords):

Məleykə Abbaszadə, Dövlət İmtahan Mərkəzi, DİM sədri, Yüksəliş müsabiqəsi, Mentorluq proqramı, süni intellekt, Elnur Məmmədli, Elnur Mirzəzadə, innovativ layihələr, Realist.az xəbər, qiymətləndirmə alətləri